Fleire engelske aviser melder i dag at Kieran McKenna blir ny manager i League One-klubben Ipswich Town. Laget som ligg på ein særs skuffande 12 plass i ligaen erstatta dermed erfarne Paul Cook med 35 år gamle McKenna. Dette blir McKenna sin første managerjobb etter at han tidlegare har jobba som u-18 trenar for både Tottenham og Manchester United, før han tok turen opp som ein av Solskjærs viktigaste støttespelarar.
Det er venta at han vil ta med seg Martyn Pert som assistent. Også han ein av støttespelarane til Solskjær i rolla som førstelagstrenar.
Tidlegare manager Paul Cook fekk sparken etter ni månader i den hardt satsande klubben.
© Copyright - Tipsbladet