Steve Evans har fått sparken, berre to månader etter at Gillingham avslo Stevenage sitt forsøk på å hente Steve Evans til klubben som deira nye manager.
Gillingham tapte i går 0-4 heime mot Ipswich Town og blei utspelt etter alle kunstens reglar. Det i takt med ti strake kampar i ligaen utan siger og ein 22.plass med berre to poeng ned til Doncaster på sisteplass var nok til at klubben i dag sa nok er nok. Laget har berre klart å finne nettmaskene to gangar på sine ni siste oppgjer i League One.
Klubben som har sju poeng opp til trygg plass må dermed ut på managerjakt.
Steve Evans er ein berykta mann i England og tidlegare vore utestengt frå fotballen i 20 månader samt fengsla for økonomisk svindel i sin tidlegare klubb Boston United.
© Copyright - Tipsbladet