Preston North End melder på si heimeside i kveld at Frankie McAvoy er ferdig i klubben. Han tok over for Alex Neil som fikk sparken i mars 2021. Som midlertidig manager opplevde han suksess og jobben blei sikra på fast basis etter fem sigre, to uavgjorte og eit tap på sine åtte kampar ut 2020/21-sesongen.
Denne sesongen har det derimot vert tyngre for McAvoy. Preston har framstått ustabile gjennom heile hausten og etter 0-1 tapet mot rivalane frå Blackburn i helga låg Preston på ein 18. plass med ni poeng opp til playoff og ni poeng ned til nedrykk.
McAvoy var ein mann som splitta Preston-fansen men etter tapet mot deira største rival Blackpool tidlegare i haust har stemninga i klubben vore særs dårleg.
Han blir dermed den manageren med kortast levetid sidan Tommy Docherty i 1981.
Frankie McAvoy fekk 260 dagar i klubben.
© Copyright - Tipsbladet